M4, M4 Pro және M4 Max чиптерімен жаңа MacBook Pro-ны қарсы алыңыз

Apple бренді жаңалықтарымен қуантуын жалғастыруда: соңғыларының ішінде экранының диагональдары 14 және 16 дюймде жасалған M4, M4 Pro және M4 Max чиптерімен MacBook Pro. Әзірлеушілер құрылғыны тек компаниядағы ғана емес, бүкіл әлемдегі ең үздік кәсіби ноутбук деп атайды. Жаңа MacBook қандай мүмкіндіктерінің арқасында осындай жоғары атаққа ие болды? Бұл туралы біздің шолуымыздан білейік.

M4, M4 Pro және M4 Max жаңартылған чиптері — керемет жылдамдық пен өнімділік 

M4 тобына жататын чиптер екінші буындағы 3 нанометрлік технологиямен жасалған. Бүгінгі таңда бұл процессорлар кәсіби ноутбуктер саласында көш бастап тұр. Компьютердегі кез келген мәселелерді шешу (медиаконтентті құру, қолданбаларды әзірлеу, модельдеу және т.б.) мүлдем жаңа деңгейге шығады.

MacBook Pro Apple Intelligence-ті қолдайды. Neural Engine арқасында (қуаты бойынша М1-ден үш есе жоғары) нейрондық желімен жұмыс өте тегіс болады. Apple Intelligence мүмкіндіктерін желтоқсан айында пайдалана бастауға болады. Бұл үшін бағдарламалық жасақтаманы Мac OS Sequoia 15.1 нұсқасына дейін жаңарту керек. Әзірше нейрондық желі ағылшын тілінің американдық нұсқасында жұмыс істейді.

14 дюймдік жаңа ноутбуктер M4, M4 Pro және M4 Max чиптерімен жабдықталған. 16 дюймдік модельге келетін болсақ, олар M4 Pro немесе M4 Max-пен бірге жүреді. Өнімділігі бойынша барлық құрылғылар алдыңғы нұсқалардың барлығын еселеп басып озады. 

М4 чипімен MacBook Pro— ұлғайтылған жылдамдық 

Жаңартылған чиптен басқа, бұл модельде жадтың өткізу қабілеті ұлғайтылған (120 ГБ/с-қа жетеді). Егер сіз оны алдыңғы 13 дюймдік нұсқалармен салыстырсаңыз, оның артықшылықтары айқын: 

Сіз бірнеше терезеде қатар жұмыс істей аласыз, 4K бейнефайлдарын өңдей аласыз, ойындардан ләззат ала аласыз және бейнебайланыс арқылы сөйлесе аласыз. Сондай-ақ, қолданбалардың нейрондық желіні пайдалану арқылы ұлғайтылған жылдамдығы сізді таң қалдырады. 

M4 Pro чипімен MacBook Pro — жылдамдығы одан да жоғары 

M4 Pro чипіндегі жадтың өткізу қабілетті M1 Pro-дан 75%-ға артық. Ресурстарды қажет ететін қолданбалардың жылдамдығы өте жоғары. 

MacBook Pro-ның бұл нұсқасы көптеген процестерді оңай тартады: 8K видеоны өңдеу, гигапиксельді панорамалармен жұмыс істеу, ұзақ кодтар мен архитектуралық жобалар жасау. Apple Intelligence қолдауы, әрине, қолжетімді. 

M4 Max чипімен MacBook Pro— ең жоғары өнімділік 

Бұл ноутбук моделі күрделі жобаларға қатысты стационарлық компьютерді толығымен ауыстырады. Бұл мүмкіндікті орталық және графикалық көп ядролы процессорлар, ұлғайтылған ОЗУ (жедел жады) және өткізу қабілеті жоғары жады (546 ГБ/с). 

Жаңа Pro нұсқасы қандай мәселелерді шешуге арналған? Сіз нейрондық желімен, 3D контентпен, 8K бейнефайлдарымен жұмыс істей аласыз және виртуалды модельдер жасай аласыз. Ноутбук LLM — 200 миллиард параметрге дейін жететін үлкен тілдік модельдерді қолдайды.

Сонымен қатар, жаңа Media Engine екі ProRes үдеткішімен жабдықталған, бұл 4K видеоны секундына 120 кадр жиілігімен (мысалы, жаңа iPhone 16 Pro-да түсірілген материал) аса жоғары жылдамдықпен өңдеуге мүмкіндік береді. 

MacBook Pro M4 тағы немен таңқалдыра алады 

Бұл ноутбуктың басқа да жақсартулары бар: 

• Жедел жады көлемі. М4 чипі бар модельдегі көлем 16 Гб құрайды. Бұл Apple Intelligence және талапшыл қолданбалардың жұмыс істеуі үшін жеткілікті. Ал M4 Max чипі бар модельде жадты 128 Гбайтқа дейін арттыруға болады.
• Түрлі-түсті орындалу. Екі сәнді реңкті қамтиды: Silver және Space Black. Корпус қайта өңделген алюминийден жасалған, ал қаптама экологиялық қауіпсіз таза ағаш талшығынан жасалған. 

• Сыртқы дисплейлерді қолдау. Жұмыс істейтін негізгі экранмен қатар екі (M4 Max чипі бар ноутбукке — төрт) қосымша мониторды қосуға болады.
• Liquid Retina XDR экранының жарықтығы. Стандартты режимде ол 1000 нит, ал HD-контент ойнатылған кезде 1600 нитке дейін артады. Бұл құрылғыны тіпті жарық күнде де ыңғайлы пайдалануға мүмкіндік береді. Бұған қоса, нанотекстуралы шыныдан жасалған шағылысқа қарсы жабынға тапсырыс беруге болады.
• Перифериялық қосылуға арналған порттар. Негізгі модельде үш Thunderbolt 4 (TYPE-C) ағытпасы бар, ал қалған екі модель Thunderbolt 5 интерфейсін қолдайды – бір кабельді пайдаланып, музыка студиясын қосуға болады, ал деректерді тарату жылдамдығы 120 ГБ/с-қа жетеді. 

• Камера (12 Мп). Ол тіпті көмескі жарықта да кескінді анық көрсетеді. Қосымша опциялар: Сenter Stage (әрқашан кадр ортасында боласыз) және DeskView (үстел үстіндегі ноутбуктің алдында не болып жатқанын/не тұрғанын көрсете аласыз).
• Дыбыстық жүйе. Оған Spatial Audio қолдайтын 6 динамик, сондай-ақ студиялық сападағы микрофондар кіреді – бұл бейнеқоңырауларға, сүйікті фильмдер мен музыкаға арналған тамаша жиынтық.
• Автономды жұмыс ұзақтығы. Жаңартылған MacBook Pro 24 сағатқа дейін қуат көзіне қосылмай жұмыс істей алады. 

Бұған қоса, барлық модельдерде: ең жоғары ажыратымдылықтағы 8К HDMI порты, құлаққап пен MagSafe 3 зарядтау ағытпалары, SDXC карталарына арналған слот бар. Құрылғылар Bluetooth 5.3 және Wi-Fi 6-мен жұмыс істейді, олар жоғары жылдамдықта файлдарды үздіксіз қосуға және тасымалдауға мүмкіндік береді. 

Қалай таңдау жасаймыз 

Базалық MacBook Pro M4  кәсіби ноутбуктен күтілетін міндеттерді тамаша орындай алады. Студенттерге оқуға, фото және видео өңдеуге, фотографтарға графика жасауға, суретшілерге графика жасауға, тіпті музыканттарға аудио тректермен жұмыс істеуге қолайлы. 

M4 Pro чипімен MacBook Pro неғұрлым жоғары деңгейдегі тапсырмаларды орындауға қабілетті. Видеоны ең жоғары жылдамдықта көрсету, кодтар жазу, 2D-сызбалармен және 3D-графикамен жұмыс істеу – бұл ноутбук қызметінің тек бірнеше мүмкін саласы. 

M4 Max чипімен MacBook Pro өнімділігі бойынша басқа модельдерден асып түседі. Күрделі кәсіби мәселелерді оңай шешеді (фильмдерді дауыстау, үш өлшемді анимация жасау). Нейрондық желінің мінсіз жұмысын қамтамасыз етеді. 

Әрбір модельдің конфигурацияларының тізімі мынадай: 

Жаңа MacBook Pro M4 — жуырда сатылымда 

Параметрлері жетілдірілген ноутбуктардың бұл желісін шығармашылық ортадағы мамандар бағалайды. Сенімді техника тіпті ең талапшыл пайдаланушының сұраныстарын қанағаттандырады.

Құрылғылар iSpace-те қашан сатылатыны туралы ақпарат жуырда біздің веб-сайтта және Instagram-да қолжетімді болады. Біз алдын ала тапсырыс берудің басталатын уақыты мен ресми бағалар туралы жариялаймыз. Бізге жазылып, жаңалықтарымызды бақылаңыз. 

ҚОСЫМША ОҚЫҢЫЗ 

М2024 жылдың жаңалығы – М4 чипімен жаңа iMac-ты ұсынамыз

iPad mini 7-ні қарсы алыңыздар: жоғары өнімділік және Apple Intelligence

iPad Air iPad Pro-мен салыстырғанда: шығармашылық үшін қандай планшет таңдаған дұрыс?

Бұл күн туды. Apple компаниясы iPhone 16 жаңа желісін ұсынды

Жаңа Apple Watch Series 10 және AirPods 4: Apple компаниясы 9 қыркүйекте не ұсынды?