MacBook Air M4: жаңалықтары қандай және 2025 жылы жаңартуға тұрарлық па?

2025 жылдың көктемінде Apple компаниясы көптің назарын аударған жаңа өнімін – MacBook Air M4-ті таныстырды. Жаңа аспан түстес корпусы, аса жылдам процессоры, Apple Intelligence жүйесімен үйлесімділігі және бұрынғы буындардағы 2 Мп орнына 12 Мп жетілдірілген веб-камерасы – мұның бәрі ноутбук алуды жоспарлап жүргендерді бірден қызықтырды. Сонымен, MacBook Air M4 қандай жаңалықтармен келді және оны кімдерге жаңартуға тұрарлық? Бұл сұрақтардың жауабын iSpace шолуы ұсынады.

2020 жылы Apple бренді алғаш рет өз өндірісіндегі ARM-процессоры – М1 чипін шығарды. Бұл чип жылдам жұмыс істейді, қуатты үнемдейді және қосымша салқындатуды қажет етпейді. Ең бастысы – оның өнімділігі бірнеше жылға жеткілікті қорда. Сондықтан М1 негізіндегі Mac құрылғыларын қолданушылар 2025 жылы да еш қиындық көрмей, барлық негізгі тапсырмаларды оңай орындай алады. Осы уақыт аралығында MacBook Air желісі үш рет жаңартылды: алдымен M2, кейін M3 және ең соңында – MacBook Air M4 шықты. Ал жаңа модель несімен ерекшеленеді?

Бұрынғы дизайн, жаңа түс

Сырттай қарағанда MacBook Air M4 – M3 чипі орнатылған үлгіден еш айырмашылығы жоқ. Барлық элементі сол қалпында: дөңгелектелген бұрыштары бар тікбұрышты корпус, қақпақтағы айнадай жарқыраған логотип және тұтас металлдан жасалған мықты қаңқа. Алайда бұл жаңа модель екенін бірден байқататын – Sky Blue атты әдемі аспан түсті корпус. Бұл түс – тек M4 нұсқасына арналған эксклюзив. Сонымен қатар, silver (күміс), starlight (жұмсақ алтын) және midnight (терең қара-көк) түстері де қолжетімді. MagSafe қуаттау кабелі де құрылғының түсіне сәйкестірілген.

MacBook Air құрылғысын бір қолмен оңай ашуға болады – бұл оның орнықтылығын көрсетеді. Мұндай ұсақ-түйек нәрсе елеусіз көрінуі мүмкін, бірақ дәл осындай егжей-тегжейлер Apple өнімдерінің премиум тәжірибесін қалыптастырады. Өйткені Apple философиясы – құрылғыны қолдану адамға еш қиындық тудырмай, бәрі өздігінен, ыңғайлы түрде орындалуы тиіс.

Экранның екі өлшемі: 13 және 15 дюйм

Apple MacBook Air M4 екі нұсқада қолжетімді:

• 13,6 дюйм;
• 15,3 дюйм.

Apple ноутбуктеріндегі Liquid Retina дисплейлері түстерді дәл әрі табиғи жеткізу бойынша эталон саналады. MacBook Air 13 M4 үлгісінің ажыратымдылығы – 2560х1664 пиксель, ал MacBook Air 15 М4 нұсқасында – 2880х1864 пиксель. Сонымен қатар, P3 кең түстік гаммасын қолдайды және экран түс температурасының қоршаған ортаға бейімделуін қамтамасыз ететін True Tone технологиясы бар. Экран жаңарту жиілігі – 60 Гц, ал ең жоғары жарықтығы – 500 нит.

IPS матрицасы кең көру бұрыштарымен танымал, сондықтан Mac-пен жұмыс істеу өте ыңғайлы: экранды қиғаштан, жоғарыдан немесе төменнен қарағанда да кескін сол қалпында қалады – көмескіленбейді, бұрмаланбайды. Айта кету керек, бұл – Apple үшін шек емес. MacBook Pro M4 құрылғысындағы Mini-LED дисплей жарықтығы бойынша рекорд жаңартып, 1600 нитке дейін жетеді, ал жаңарту жиілігі – 120 Гц-ке дейін. Бірақ, әрине, төленетін баға да айтарлықтай жоғары.

Кірістірілген дисплейге қосымша екі сыртқы 6К-дисплейді қосуға болады.

Жақсартылған өнімділік – М4 чипінің арқасында

«Әуе» желісіндегі басты жаңалық – жаңа 3 нм M4 процессоры. Intel негізіндегі MacBook Air-мен салыстырғанда, бұл жаңалық 23 есе қуаттырақ. Ал M1 үлгісімен салыстырғанда – 2 есе. Бірнеше бағдарламамен қатар жұмыс істеу, графикалық тапсырмалар – бәрі жылдам әрі іркіліссіз орындалады.

Енді базада 10 ядролы CPU бар, ал бұрынғы M3 чипінде 8 ядро болған. Оның ішінде 4 – жоғары өнімді, 6 – қуат үнемдейтін ядро. 13 дюймдік Mac 8 ядролы GPU, ал 15 дюймдігінде – 10 ядролы. Тактілік жиілігі – 4,4 ГГц-ке дейін. Жедел жады 32 ГБ-қа дейін қолжетімді. Сонымен қатар, сәуле трассировкасын аппараттық жылдамдату технологиясы да бар. Айтпақшы, рейтрейсинг тек ойындарға ғана емес, сонымен бірге Blender немесе Cinema4D сияқты графикалық рендерингке арналған креативті қосымшаларда да қолданылады.

Иә, MacBook Air – классикалық геймерлік ноутбук емес, бірақ ойын ойнауға толық жарамды: мысалы, Baldur’s Gate 3 немесе The Witcher 3: Wild Hunt секілді жобаларда кемінде 30 FPS көрсеткіші тұрақты. Ал Resident Evil Village Full HD ажыратымдылығында секундына 50–60 кадр, Death Stranding – 60 кадр береді.

Күнделікті жұмыста M4 керемет нәтиже көрсетеді. Intel негізіндегі MacBook Air-мен салыстырғанда, iMovie бағдарламасында видеоны монтаждау 8 есе, Excel-дегі есептеулер – 4,7 есе, ал Adobe Photoshop-тағы контентті өңдеу – 3,6 есе жылдамырақ. Құрылғы тіпті ауыр қосымшалармен жұмыс істегенде де «ұшады» – мысалы, CyberLink PowerDirector 18 Ultra бағдарламасында.

Жаңартылған камера: сіз әрдайым керемет көрінесіз

Егер сіз қашықтан оқып немесе жұмыс істейтін болсаңыз, жиі бейнебайланыспен қоңырау шалсаңыз – MacBook Air M4 сіз үшін таптырмас таңдау. Себебі жаңартылған ультракең бұрышты 12 Мп камера кез келген жағдайда жақсы көрінуге мүмкіндік береді – терезеге арқамен отырсаңыз да, жарығы аз бөлмеде отырсаңыз да. «Көру орталығы» (Center Stage) функциясы сіз қозғалып отырсаңыз да кадрдың ортасында қалуыңызға көмектеседі. Мысалы, орындықтан шетке сырғып кетсеңіз немесе шалқайып отырсаңыз – камера сізбен бірге қозғалып, кадрдан шығармайды. Ал Desk View (Жұмыс үстелі көрінісі) опциясы экранда сізді де, үстел бетін де жоғарыдан көрсетеді: егер сіз мұғалім болсаңыз, жобаны немесе оқулықты бейнебайланыс арқылы көрсету өте ыңғайлы.

Порттар, дыбыс, автономдылық және жады

Бұл тұста жетілдіретін ештеңе қалмаған десе де болады – MacBook Air M4 құрылғысындағы порттар сол бұрынғы орнында. Сол жақта MagSafe 3 магниттік қуаттау ұяшығы орналасқан. Штекері мен кабелі корпус түсіне сәйкес – үйлесімді әрі сәнді көрінеді. Кабельдің екінші жағындағы әмбебап USB-C арқылы кез келген адаптерге немесе powerbank-ке қосуға болады.

MagSafe астында жылдамдығы 40 ГБ/с-қа дейін жететін екі Thunderbolt 4 порты бар – олар сыртқы мониторларды қосуға арналған. Оң жақ бетінде 3,5 мм аудио ұяшығы орналасқан: оған микрофон немесе сымды құлаққапты қосуға болады.

Жаңалық үш кіріктірілген микрофоннан тұратын массивпен жабдықталған. Арнайы режимдер онлайн-қоңыраулар кезінде дауыстың анықтығын арттырып, пайдаланушының даусын фондық шудан оқшаулауға мүмкіндік береді.

Дыбыстық жүйелер ерекшеленеді:

• 13 дюйм: 4 динамик;
• 15 дюйм: 6 динамик.

Музыка тыңдауға арналған Spatial Audio және фильмдер көруге арналған Dolby Atmos қолдауы
MacBook Air M4-де AirPods құлаққаптарымен музыка тыңдаған кезде Spatial Audio қолдауы, ал фильмдер көру кезінде Dolby Atmos қолданылады.
Байланыс үшін Wi-Fi 6E және Bluetooth 5.3 жауап береді.
Apple компаниясының автономдылығы әрқашан күшті жақтарының бірі болған, ал MacBook Air M4 бұл дәстүрді жалғастырады. Толық зарядталған аккумулятор браузерде жұмыс істегенде немесе бейне көргенде 15-18 сағатқа жетеді. Жылдам зарядтау арқылы ноутбукты 30 минутта 50%-ға дейін зарядтауға болады. Стандартты 30 Вт қуаттау блогы арқылы 100%-ға зарядтау үшін 2 сағат 15 минут қажет болады.

Сипаттама	MacBook Air M4 (13 пен 15 дюйм)
Жедел жады	16, 24 и 32 Гб
Кірістірілген жинақтауыш	256 және 512 Гб, 1 және 2 Тб

MacOS және Apple Intelligence

Егер сіз алғаш рет Apple ноутбугіне көшетін болсаңыз, macOS Sequoia операциялық жүйесінің мүмкіндіктері жағымды әсер қалдырады. Интерфейсі қарапайым әрі интуитивті түсінікті, ал терезелермен жұмыс істеу — оңай әрі ыңғайлы. Смартфон экраны құлыптаулы күйде жатса да, iPhone-ды тікелей ноутбуктен пайдалануға болады («iPhone бейнеқайталау» функциясы).

Гейминг үшін арнайы ойын режимі бар: ол CPU және GPU ресурстарын қайта бөліп, басты назарды ойынға аударады. Ал барлық құпиясөздерге қауіпсіз әрі ыңғайлы қол жеткізу үшін Password жүйесі жұмыс істейді. Бірақ macOS ең әсерлі ерекшелігі — Apple Intelligence терең интеграция, себебі ЖИ мүмкіндіктері жылдан-жылға дамып келеді.

Мәтінмен жұмыс істейтіндерге арналған жаңа құралдар сізге конспект жазуға, сәтті тақырыптар таңдауға, емле қателерін тексеруге және мәтінді нақты жағдайға сай бейімдеуге көмектеседі. Siri енді ChatGPT-мен бірлесіп жұмыс істей алады. Сонымен қатар, сіз өзіңіздің жеке эмоджи мен суреттеріңізді жасауға мүмкіндік аласыз. Apple Intelligence көптеген қосымшаларға ендірілген: «Хабарламалар», «Ескертпелер», Safari және тағы басқа. Мысалы, «Фотосуреттер» қосымшасында кадрдағы қажетсіз объектіні интеллектуалды түрде өшіріп, оның орнын фонмен  алмастыруға болады.

Тұжырым. MacBook Air M4: сатып алу керек пе, жоқ па

Жаңа, қуаттырақ процессор, шынымен сапалы камера және ұзақ жұмыс істейтін аккумулятор – мұның бәрі MacBook Air M4 үлгісін бұрынғыдан да тартымды ете түсті. Егер сіз Intel-негізіндегі MacBook Air-дан осы модельге өтсеңіз, айырмашылығы шын мәнінде айрықша болады. Бұған қоса, экран өлшемін де ыңғайлы етіп таңдауға болады: 13 дюйм – ең жоғары портативтілік үшін, ал 15 дюйм – бірнеше тапсырманы қатар орындау үшін.

Егер сіз көбіне кеңселік бағдарламалармен жұмыс істеп, графикамен орташа деңгейде айналыссаңыз, ал бос уақытыңызда ойын ойнап, фильм көріп, музыка тыңдауды ұнатсаңыз – MacBook Air M4 сізге талай жыл қызмет етеді. Ал егер күрделі графикалық тапсырмалармен жұмыс істесеңіз, 14 дюймдік MacBook Pro M4 моделін таңдауға кеңес береміз.

MacBook Air M4: Қазақстандағы Apple техникасының ресми дүкеніндегі баға

MacBook-пен сіз iSpace-тен таныса аласыз: біздің дүкендерде Apple-дің барлық өзекті құрылғылары ашық ұсынылған. Кеңесшілер сізге әр модельдің ерекшеліктерін түсіндіріп, ең қолайлысын таңдауға көмектеседі. MacBook сатып алуды Trade-in арқылы, сондай-ақ бөліп төлеу немесе несие арқылы ресімдеуге болады — біз сіз үшін ең ыңғайлы шешімді табамыз.

СОНДАЙ-АҚ ОҚЫҢЫЗ 

Әркім білуге тиісті AirPods 8 функциясы

iPhone-ды қалай дұрыс таңдауға болады? Сатып алушыларға арналған толық гайд

2025 жылғы iPad: Apple компаниясының жаңа өнімдері туралы білуге тиіс ең маңыздысы

Apple техниканы қай жерден сатып алған дұрыс?

iPhone үшін дұрыс қап пен қорғаныс әйнегін қалай таңдауға болады?