Apple ойын ноутбугы: Гейминг үшін қандай MacBook таңдаған дұрыс?

Ойынға арналған ноутбуктің әдеттегіден айтарлықтай айырмашылықтары бар. Бұл тек оның бағасы мен дизайнына ғана қатысты емес. Ойын ноутбугының, мәселен, өнімділігі жеткілікті болып, жоғары сапалы салқындату жүйесі болуы керек. Apple брендінің девайстары осы шарттарға сәйкес келе ме? Ноутбуктар ойын әуесқойларын тағы қандай опцияларымен қуантады? Бұл сұрақтардың жауаптары біздің шолуымызда.

Ойын ноутбугының әдеттегі ноутбуктен негізгі айырмашылықтары 

Әдетте, кәдімгі ноутбук стандартты міндеттерді орындау үшін қолданылады: кеңсе бағдарламаларында жұмыс істеу, желіні шарлау, онлайн-қатынас, фильмдер көру және музыка тыңдау. Бұл функциялар үшін аса жоғары өнімділік қажет емес.

Және керісінше, ойын ноутбугын сатып алу дегеніміз – жетілдірілген сипаттамалармен қуатты құрылғыны сатып алу. Нақты қандай сипаттамалармен? Apple ноутбуктарының мүмкіндіктерін егжей-тегжейлі талдай келе біле аламыз. 

Өнімділігі жоғары процессор

Жоғары жүктемені еңсеру үшін көптеген танымал ойындар қуатты процессорды талап етеді. Ойнау процесінің тегістігі келесі жағдайларда қамтамасыз етіледі: 

Процессордың сипаттамасы	Кем дегенде	Оңтайлы
CPU	4 ядро	6–8 ядродан бастап
Ырғақ жиілігі	3,5 ГГц	4,5 ГГц және одан жоғары
Кэш	4 Мб	8 Мб-тан бастап
TDP (салқындату бойынша талаптар)	30 Вт	Кем дегенде 45 Вт

Apple M1 тобының процессорлары тізімделген параметрлерге сәйкес келеді және әрбір жаңа буынмен чиптер тек жетілдіріле түседі. M3 және M4 процессорларымен жабдықталған MacBook модельдерінің қуаты одан да көп. Олар үздік ойын ноутбуктарының тізіміне кіреді, сонымен қатар олар басқа да күрделі тапсырмаларды — үш өлшемді графикамен жұмыс істеуді және жоғары ажыратымдылықтағы видеофайлдарды көрсетуді мінсіз орындайды. 

Қомақты жедел жады және бейне жады 

Графикалық карта экрандағы кескіннің қаншалықты сапалы қалыптасатынын және ойын процесінің тегіс болатынын анықтайды. Әдеттегі операциялар үшін кіріктірілген модель әбден қолайлы. Бірақ AAA-ойындарды тарту үшін сізге дискретті чип — аналық тақшадағы бөлек чип қажет болады. 

Бұл ретте дискретті бейне картасы бар құрылғыларда бейне жады көлемі салыстырмалы түрде аз. Бұл мәселені үлкенірек жадысы бар қымбат ноутбук сатып алу арқылы шешуге болады. Бірақ тағы бір ұтымды шешім бар — Apple Silicon чипіндегі MacBook. Бұл біріктірілген жадысы бар кристалдағы жүйені білдіреді. Оны бір уақытта CPU, GPU және нейропроцессор пайдаланады, деректермен алмасу жоғары жылдамдықта жүреді. Нәтижесінде ойындар мен басқа бағдарламалар тез және тегіс жұмыс істейді. Apple Silicon чипімен жабдықталған ойынға арналған MacBook Pro сатып алу керемет таңдау жасау дегенді білдіреді. Бұл тізімге 2020 жылы және одан кейін шығарылған, M1, M2, M3 және M4 чипсеттері бар барлық құрылғылар кіреді. 

Қуатты салқындату жүйесі 

Көптеген ойындар жоғары жүктеме артады, бұл ретте үлкен көлемде жылу бөлінеді. Нәтижесінде ноутбук қызып кетеді және оның өнімділігі төмендейді. Егер сіз әдеттегі жұмыс ноутбугында ойнағыңыз келсе, мысалы, Call Of Duty-де, құрылғы ұзаққа жетпейді, тротлинг орын алуы мүмкін. Ал ойластырылған салқындату жүйесі бар жаңартылған MacBook Pro – мүлдем басқа нәрсе.

MacBook Air желдеткішпен жабдықталмағанымен, оны ойын ойнау үшін пайдалануға тыйым салынбайды. Бірақ ресурстарды қажет ететін ойындар үшін Pro нұсқасын таңдаған жөн. 

Көлемді жедел жады 

ЖЖҚ (жедел жады) көлемі неғұрлым көп болса, ойындардағы ақпаратты өңдеу соғұрлым жылдам болады. Төменде нақты тапсырмалар үшін қажетті көлемдер берілген. 

Міндеттер	Жедел жады көлемі
Кеңселік бағдарламалар, видео, браузер	4 Гб
Photoshop пен AutoCAD-та жұмыс істеу	8 Гб
Бейне монтаж, үлкен деректерді талдау	16 Гб
Ойындардың басым бөлігі	8-ден 16 Гб-қа дейін
Талапшыл ойындар	32–64 Гб

MacBook Air және Pro 13 модельдерінде (диагоналы 13 дюйм) 8 Гб және одан жоғары жедел жады бар. Бұл құрылғылар қарапайым және орташа деңгейлі ойындарды тіпті базалық конфигурациямен де ойната алады.

Күрделі ойындар үшін сізге жадысы үлкен ноутбук қажет болады. Мысалы, 15 немесе 16 дюймдік MacBook Pro, ондағы жедел жады 16, 32 Гб және одан да көп. Ал егер жедел жады 128 Гб-қа жететін M4 Pro Max чипіндегі флагмандық MacBook Pro-ны таңдасаңыз, кез келген бағдарламалық жасақтамалар мен ойындар шын мәнінде ұша бастайды. 

Қатты дисктің ерекшеліктері 

Ойын процесіндегі локациялардың сапалы және жылдам жүктелуін қатты денелі SSD-жинауыш қамтамасыз етеді. Оның өткізу қабілетті 1 ГБ/с немесе одан да дұрысы — 2-3 ГБ/с болуы керек. MacBook Pro-да бұл параметр 1,5-3 ГБ/с құрайды, нақты мән құрылғының буыны мен моделіне байланысты.

Ақпаратты сақтау үшін ішкі жады 1-2 Тб құрайтын ноутбукты таңдаған дұрыс. M2/M3 чиптеріндегі барлық MacBook Air модельдері осындай көлемге ие. MacBook Pro-ның соңғы модельдерінде бұл көрсеткіш 8 Тб-ға жетеді – бұл ойындар мен басқа софттар үшін жеткілікті. 

Сыйымдылығы жоғары аккумулятор 

Ойын құрылғылары айтарлықтай көп қуат тұтынатындықтан, аккумулятордың сыйымдылығы жоғары болуы керек. Бұл сізге қайта зарядтау туралы ойламай-ақ, сүйікті ойыныңыздан ұзақ уақыт ләззат алуға мүмкіндік береді.

Бұл тұрғыдан MacBook мақтануға тұрарлық. Мысалы, экранының диагоналі 13 дюймдік M1/M2/M3 чиптеріндегі MacBook Air 15 сағат интернет-серфингке және 18 сағат фильм көруге арналған. MacBook Pro M4-те бұл көрсеткіштер тиісінше 16 және 24 сағатқа жетеді. Неғұрлым жетілдірілген жаңа модельдердің автономдылығы одан да көп. 

Дисплейдің мүмкіндіктері 

Кескіннің жарықтығы, динамикалық көріністердегі айқындық және ұсақ-түйекке дейін көрсету – бұл нағыз компьютерлік ойын әуесқойлары бағалайтын нәрсе. Бұл сипаттамалар экранның жаңару жылдамдығына тікелей байланысты.

MacBook дисплейлері (Liquid Retina XDR) 60 Гц-тен жоғары жиілікте, ал РroМotion белсенді технологиясы бар Pro-нұсқаларда бұл көрсеткіш 120 Гц-ке жетеді. Бұл жиілікте кадрлар өте тегіс ауысып отырады. True Tone технологиясының арқасында экранның түстер температурасы көзге ыңғайлы болатындай етіп реттеледі. Сондай-ақ, реңктердің кең ауқымы сақталады. Экранның жарықтығы 1000 нитке жетеді — сіз қараңғы көріністерді ашық күн сәулесі астында да өткізе аласыз. 

Қосымша технологиялар 

Apple ноутбуктеріне қосымша технологиялар: сәулелерді трассалау және торды көлеңкелеу үшін аппараттық жеделдету енгізілген. Осының арқасында барлық жарқылдар, шағылысулар, жарық пен көлеңке ойыны егжей-тегжейлі беріледі. 

Ойын ойнауға арналған периферия

Қолайлы ойын перифериясы ойын дәмін жақсырақ сезінуге көмектеседі. Бұған құлаққаптар, тінтуірлер, пернетақталар және ойын контроллерлері жатады. Барлық құрылғылар каталогта жинақталған. 

Тачпад та, ойын пернетақтасындағы батырмалар да үлкен жүктемелерді жақсы көтереді, ал олардың пәрмендерге реакциясы жылдамдығымен қуантады. 

Құрылғының бағасы 

Ойындарға арналған ноутбуктардың бағасы әдеттегі құрылғыларға қарағанда жоғары болғанымен, мұндай шығындар тез өтеледі. Өйткені, сіз MacBook-ті оның өнімділігімен тек ойын үшін ғана емес, басқа міндеттер үшін де пайдалана аласыз. Құрылғыны бірнеше жыл бойы жаңартудың қажеті болмайды.

Apple компаниясының кәсіби ноутбуктарын фотосуреттерді, видеоларды және аудиофайлдарды өңдеу үшін пайдалануға болады. Құрылғылар бағдарламалау және үш өлшемді модельдерді жасау үшін де қолайлы. Сондай-ақ, желіде жұмыс істеу және кеңсе бағдарламаларын пайдалану тұрғысынан да өте ыңғайлы. 

Қолжетімді ойындар 

MacBook Air инди-ойындардың басым бөлігін және көптеген AAA-ойындарды қолдайды. Ал MacBook Pro тіпті ең талапшылдарының тілін таба алады.

MacBook-қа арналған танымал ойындардың тізімі төменде келтірілген: 

Ойын ойнау үшін MacBook-тың қандай моделін таңдаған дұрыс

MacBook бастапқыда ойын ойнауға арналмағанымен, соңғы буын модельдері бұл міндетті өте жақсы орындап жүр.

iSpace-ке келіп, әртүрлі модельдерді көруіңізге болады. Бізде демо-нұсқаларды сынақтан өткізіп, графика мен дыбыстың жоғары деңгейін бағалай аласыз.

Дүкендерде кеңесшілер сізге әр құрылғының ерекшеліктері туралы айтып береді. Мысалы, егер сізге саяхаттауға және жолға алып жүруге ыңғайлы ноутбук керек болса, 13 немесе 15 дюймдік MacBook Air-ді байқап көріңіз. Егер сіз AAA-ойындар мен кәсіби міндеттерді шешуге арналған өнімді құрылғыны іздесеңіз, M4 Pro немесе M4 Max чиптеріндегі MacBook Pro-ға назар аударыңыз.

Сондай-ақ, кастомды, яғни жеке тапсырыспен жабдықталған ноутбук сатып алу мүмкіндігі бар. Бұл жағдайда сіз өзіңіздің сұрауларыңызға сәйкес келетін параметрлері бар құрылғыны аласыз. Оған да iSpace-те тапсырыс беруге болады.