MacBook Air M4: сатып алуға лайық па?

Егер Apple ноутбугын таңдауды ойластырып жүрсеңіз, Air сериясындағы жеңіл әрі өнімді модельге назар аударған жөн. Сәнді дизайны мен сенімділігі үйлескен бұл құрылғы жұмыс процесін оңтайландырып, шығармашылыққа шабыт береді. Осы шолуда біз M4 чипімен жабдықталған MacBook Air моделінің негізгі мүмкіндіктері мен ерекшеліктерін қарастырамыз.

MacBook Air M4 алдыңғы модельдерден қандай ерекшеліктерімен дараланады?

MacBook Air M4 моделі көптеген пайдаланушылардың қажеттіліктерін ескере отырып жасалған. Оның негізгі ерекшеліктеріне мыналар жатады:

• Жетілдірілген процессор – 10 ядролы CPU, соның ішінде рендерингке қатысты күрделі тапсырмаларды да, әлдеқайда жылдам орындауға мүмкіндік береді.
• Екі сыртқы дисплейді қолдау – бір уақытта үш экранды қатар қолдану бірнеше қолданба немесе құжатпен бір мезгілде жұмыс істеу қажет болған жағдайда жұмыс тиімділігін арттырады.
• Жадтың жаңа конфигурациялары – құрылғы әртүрлі нұсқаларда 32 ГБ-қа дейін біріктірілген жад ұсынады. Бұл Apple Intelligence жүйесінің, сондай-ақ жүйеге жоғары жүктеме түсіретін қосымшалардың тұрақты жұмысын қамтамасыз етеді.
• 12 Мп ажыратымдылығы бар Center Stage камерасы – бейнеқоңыраулар барысында қозғалыс кезінде де кадрдың ортасында сақталуға мүмкіндік береді.
• Жақсартылған бейне түсіру мүмкіндіктері – HD 1080p форматында бейне жазуға болады. Жетілдірілген сигналды өңдеу процессорының арқасында жарық аз жағдайда да бейнедегі шу деңгейі төмен болады.
• Дыбысты оқшаулау режимі бар микрофондар жүйесі – дауыс анық әрі таза естіледі, ал фондық шу әңгіме барысында кедергі келтірмейді. Бұл функция әртүрлі жұмыс жағдайларында байланыс сапасының тұрақты болуын қамтамасыз етеді.

Құрылғының түстеріне тоқталсақ, Apple бұл жолы да таңдаудың кең ауқымын ұсынады. Таныс реңктер қатарында Midnight, Starlight және Silver түстері бар. Сонымен қатар жарықты динамикалық түрде шағылыстыратын, металл реңкті жаңа Sky Blue көгілдір түсі де ұсынылады.

Өнімділік пен тапсырмалар: салыстыру

Құрылғыға жасалған шолу толық әрі түсінікті болуы үшін MacBook Air M4 моделін соңғы MacBook Pro нұсқасымен салыстырып көрейік. Негізгі айырмашылықтар төмендегі кестеде көрсетілген.

Сипаттама	MacBook Air M4	MacBook Pro M5
Дисплей диагоналі, дюйм	13,6 немесе 15,3	14,2
Базалық жедел жад, ГБ	32-ге дейін	32-ге дейін
CPU, ядролар саны	10	10
GPU, ядролар саны	8 немесе 10	10
Салқындату жүйесі	Пассивті	Белсенді
Камера	Center Stage, 12 Мп	Center Stage, 12 Мп
Автономды жұмыс уақыты, сағ	18-ге дейін	24-ке дейін
Салмағы, кг	1,24 немесе 1,51	1,55

Күнделікті жұмыс пен оқу міндеттерін орындау үшін жеңіл әрі ықшам MacBook Air M4 моделін таңдауға болады. Ал M5 процессорымен жабдықталған Pro желісіндегі нұсқа жоғары есептеу мүмкіндіктерін қажет ететін бағдарламалармен жұмыс істеуді жоспарлаған жағдайда анағұрлым қолайлы. Мәселен, 3D-модельдеуге арналған Blender сияқты қосымшалармен немесе 8K форматындағы бейнемонтажды орындау үшін MacBook Pro тиімдірек шешім болады.

Жылулық режимі және автономдылығы

Құрылғының басты артықшылықтарының бірі – дыбыссыз жұмыс істеуі. Себебі MacBook Air M4 моделінде желдеткіш жүйесі қарастырылмаған. Ноутбук корпусы жылуды тиімді тарату қасиетіне ие алюминийден жасалған. Мұндай салқындату тәсілі пассивті салқындату жүйесіне жатады. Сонымен қатар M4 чипі энергияны үнемді пайдаланады, бұл құрылғының шамадан тыс қызу ықтималдығын едәуір төмендетеді.

Жоғары автономдылық та MacBook Air M4 моделінің маңызды ерекшеліктерінің бірі. Бейне ойнату режимінде ноутбук 18 сағатқа дейін жұмыс істей алады. Үйден немесе кеңседен тыс жерде жұмыс істеу қажет болған жағдайда қуаттағышты өзіңізбен алып жүру міндетті емес – бір күн бойы белсенді пайдалануға аккумулятор қоры жеткілікті.

Экран және форм-фактор

MacBook Air моделінде диагональдің екі нұсқасының болуы – 13 және 15 дюйм – әр пайдаланушыға өз міндеттеріне сай экран өлшемін таңдауға мүмкіндік береді. Кіші нұсқа әлдеқайда ықшам әрі тасымалдауға ыңғайлы, сондықтан кеңсе ішінде жиі қозғалып жұмыс істейтіндерге немесе қашықтан еңбек ететіндерге қолайлы нұсқа болып табылады.

Ал үлкен нұсқа бірнеше тереземен қатар жұмыс істеуге, сондай-ақ ойын ойнауға қолайлырақ.

Экран өлшемі артқан сайын құрылғының салмағы да сәл ұлғаятынын ескерген жөн. Дегенмен кез келген нұсқада дисплей кең көру бұрыштарын қамтамасыз етеді, түстерді дәл әрі табиғи жеткізеді және True Tone технологиясын қолдайды.

Жаңа пайдалану сценарийлері

MacBook Air M4 жаңа мүмкіндіктер ұсынады. Өнімділіктің артуы мен жетілдірілген нейрондық жүйе жасанды интеллектке негізделген функциялардың аясын кеңейтті. Енді ChatGPT қызметімен тікелей жұмыс істеуге, Writing Tools құралдары арқылы мәтіндерді өңдеуге және жетілдіруге, мәтіндік және дауыстық командалар арасында жылдам ауысуға, сондай-ақ жекелендірілген эмодзилер жасауға мүмкіндік бар.

Конфигурациялар және жадты таңдау

Құрылғының базалық конфигурациясы 16 ГБ жедел жадпен және 256 ГБ SSD жинақтауышымен жабдықталған. Сонымен қатар 24 немесе 32 ГБ біріктірілген жадқа, ал ішкі сақтау көлемі 512 ГБ, 1 ТБ немесе 2 ТБ болатын нұсқалар да қолжетімді.

Базалық конфигурация күнделікті тапсырмаларды орындау үшін жеткілікті. Ал кеңейтілген модельдер жүйеге жоғары жүктеме түсіретін қосымшалармен жұмыс істеген кезде қосымша жайлылық пен тұрақтылықты бағалайтын пайдаланушыларға лайық.

Apple экожүйесімен үйлесімділігі

Apple компаниясының кез келген ноутбугы фирмалық экожүйемен мінсіз үйлеседі. Handoff функциясының көмегімен жұмысты iPhone құрылғысында бастап, оны MacBook-та еш қиындықсыз жалғастыруға болады. Ноутбук сымсыз AirPods құлаққаптарымен автоматты түрде синхрондалады, сондай-ақ MagSafe 3 технологиясы арқылы ыңғайлы әрі қауіпсіз қуаттауды қолдайды.

Apple бренді техникасын Қазақстандағы Apple Premium Partner мәртебесіне ие iSpace дүкендер желісінен оңай сатып алуға болады. Астана, Алматы, Ақтөбе, Атырау, Шымкент немесе Қарағанды қалаларындағы кез келген фирмалық дүкенге келіп, Apple өнімдерінің өзекті модельдерін жеке тексеріп көруге мүмкіндік бар – құрылғылар ашық қолжетімді. Білікті кеңесшілер таңдауды дұрыс жасауға көмектеседі. Онлайн тапсырыс рәсімделген жағдайда ел аумағы бойынша жеткізу қарастырылған. Сатып алуды барынша тиімді ету үшін Trade In бағдарламасын пайдалануға немесе бөліп төлеу шарттарын рәсімдеуге болады.

Жиі қойылатын сұрақтар

Бейнемен жұмыс істеуге бола ма?
M4 чипімен жабдықталған Mac жедел жадтың жеткілікті қорының арқасында 4K форматындағы бейнемонтаж үшін қолайлы таңдау саналады.

MacBook Air M4 моделінде екі сыртқы мониторды қосуға бола ма?
Кіріктірілген M4 чипі бар ноутбук екі сыртқы дисплейді қолдайды. Бұл ретте құрылғының өз экранын да қатар пайдалануға мүмкіндік бар.

16 ГБ жад 3-5 жылға жеткілікті ме?
16 ГБ жад кеңсе міндеттерін орындауға, базалық бейнемонтажға және фотосуреттерді өңдеуге жеткілікті. Сонымен қатар жасанды интеллектке негізделген кескіндер генерациясы мен кеңейтілген іздеу функцияларын ыңғайлы пайдалануға мүмкіндік береді. Мұндай конфигурация құрылғыны бірнеше жыл бойы жаңартусыз қолдануға мүмкіндік береді.

Бөгде адаптерлер арқылы қуаттауға бола ма?
USB-C порты арқылы ноутбукты бөгде адаптерлермен де қуаттауға болады. Алайда адаптердің қуаты 70 Вт-тан жоғары болуы қажет. Түпнұсқа және сертификатталған аксессуарларды таңдауға iSpace мамандары көмектеседі.

Сондай-ақ оқыңыз

14 ақпанда не сыйлауға болады: 2026 жылға арналған идеялар

MacBook – бизнеске арналған ең дұрыс таңдау екені рас па? Оның артықшылықтары мен тиімді жақтары

2026 жылы не үшін MacBook Air алу керек десеңіз — оның 7 басты артықшылығымен таныс болыңыз

2026 жылы iPhone қалай таңдау керек: танымал модельдер

iPad vs iPhone: қайсын таңдау керек?