2026 жылы MacBook таңдау: толық нұсқаулық

Apple компаниясы 2025 жылы Pro желісін кеңейтіп, M5 чипімен жабдықталған модельді ұсынды, ал Air сериясында M4 процессорына негізделген жаңа нұсқалар пайда болды. Екі модель де жұмыс пен шығармашылыққа қолайлы, алайда олардың арасындағы айырмашылық айқын. Осы нұсқаулық ноутбук сатып алуды жоспарлап, таңдау барысында қиындыққа тап болғандар үшін әзірленді.

2026 жылғы MacBook-тың өзекті модельдері

MacBook таңдауға кіріспес бұрын, Қазақстан нарығында ресми түрде сатылатын өзекті модельдерге назар аударған жөн.

Серия	Чип	Экран	CPU, ядро саны	GPU, ядро саны	Жедел жад (RAM), ГБ	Ішкі жад	Автономды жұмыс уақыты, сағ
Air	M4	Liquid Retina, 13″ және 15″	10	8-10	16-32	256 ГБ-тан 2 ТБ-қа дейін	18-ге дейін
Pro	M4 Pro	Liquid Retina XDR, 14″ және 16″	12-14	16-20	24-48	512 ГБ-тан 4 ТБ-қа дейін	22-24-ке дейін
	M4 Max	Liquid Retina XDR, 14″ және 16″	14-16	40-қа дейін	36-128	1 ТБ-тан 8 ТБ-қа дейін	18-21-ге дейін
	M5	Liquid Retina XDR, 14″	10	10	16-32	512 ГБ-тан 4 ТБ-қа дейін	24-ке дейін

Ұсынылған модельдердің алуан түрлілігі күнделікті міндеттерден бастап күрделі инженерлік жобаларды әзірлеуге дейінгі әртүрлі тапсырмаларға лайықты ноутбукты таңдау жасауға мүмкіндік береді.

Міндеттерге қарай қай MacBook-ты таңдаған дұрыс?

Әдетте MacBook Air құжаттармен және дерекқорлармен жұмыс істеуге, күрделі емес ғылыми жобалар мен презентацияларды дайындауға, медиаконтентті жеңіл өңдеуге әрі оны ыңғайлы түрде көруге қолайлы. Ал MacBook Pro жоғары сапалы бейнемен, 3D-графикамен немесе кодпен тұрақты түрде жұмыс істейтін бағдарламашыларға, инженерлер мен дизайнерлерге көбірек сай келеді.

Қазіргі Air сериясы M4 чипімен, ал Pro сериясы M5 чипімен жабдықталған. Apple M-сериясында бөлек CPU мен GPU архитектурасынан бас тартып, ортақ жадты пайдаланатын біртұтас кристалдағы жүйе қағидатын қолданады. Мұндай тәсіл графикамен, бейнемен және машиналық оқытумен жұмыс істеу барысында кідірістерді азайтып, энергия тиімділігін арттыруға мүмкіндік береді.

Дисплей ерекшеліктері

Диагоналі 13″ және 15″ болатын Air сериясындағы модельдер күнделікті тапсырмаларға, оқуға, ойын-сауық контентін ыңғайлы көруге, ойындарға және шығармашылық жұмыстарға жақсы бейімделген. Экран түстер реңктерін дәл жеткізеді, True Tone технологиясын қолдайды және жарықтығы 500 нитке дейін жетеді.

Pro сериясында дисплейлердің өзгеше конфигурациялары ұсынылады – диагоналі 14″ және 16″. mini-LED технологиясының арқасында экранның жарықтығы жоғарырақ, ProMotion технологиясы жаңарту жиілігін мазмұнға қарай бейімдейді, ал HDR контентін көрсету кезінде жарықтық 1600 нитке дейін жетеді. SDR режимінде күн сәулесі жағдайында ол 1000 нитке дейін болуы мүмкін. Бұл, әсіресе, графикамен және бейнемен кәсіби деңгейде жұмыс істеу үшін маңызды.

Автономды жұмыс уақыты және жылулық режимі

Екі серияның автономды жұмыс уақыты арасындағы айырмашылық орта есеппен 3-6 сағатты құрайды. Дегенмен, аккумулятор заряды ресурсты көп қажет ететін бағдарламаларды іске қосу мен әріптестермен тұрақты бейнеконференциялар өткізуді қоса алғанда, толыққанды бір жұмыс күніне жеткілікті.

Apple M-сериясындағы процессорлардың архитектурасының арқасында ноутбуктер айтарлықтай қызып кетпейді. Құрылғының жүктеме кезіндегі температурасына салқындату жүйесінің түрі де әсер етеді: Air модельдерінде ол пассивті, ал Pro сериясында белсенді. Сонымен қатар корпус материалдары да маңызды рөл атқарады. Мысалы, алюминий жылуды тиімді таратып, қызып кету қаупін төмендетеді.

Бюджетке қарай қай MacBook-ты таңдаған дұрыс?

Ноутбуктың бағасы таңдаудағы негізгі өлшем бола бермейді. Ең бастысы – құрылғының нақты міндеттерге сәйкес келуі. Салыстырмалы түрде қарапайым жұмыстар үшін Air M4 сериясының 16 ГБ жедел жады және 256 ГБ ішкі жады бар базалық нұсқасы жеткілікті. Ал бейнемонтаж, 3D-графика немесе кодпен кәсіби деңгейде жұмыс істеу үшін 32 ГБ жедел жады және бірнеше терабайттық ішкі жадысы бар Pro нұсқасы анағұрлым тиімді.

Жаңа модельдер арасында оңай бағдар алу үшін iSpace сарапшыларынан кеңес алуға болады – олар жеке кездесу кезінде де, онлайн форматта да, телефон арқылы немесе сайттағы чатта сұрақтарға жауап беруге дайын. Қазақстанның әртүрлі қалаларында он дүкен жұмыс істейді: барлық өзекті құрылғылар ашық қолжетімді және алдын ала тестілеуге мүмкіндік бар. Ал сатып алуды одан да тиімді ету үшін Trade In бағдарламасын немесе бөліп төлеу мүмкіндігін пайдалануға болады.

FAQ

2026 жылы қай MacBook-ты таңдаған дұрыс?

Таңдау пайдаланушының міндеттері мен қаржылық мүмкіндіктеріне байланысты. M-сериясындағы 4- және 5-буын процессорлары жоғары өнімділік деңгейін ұсынады. Компания мұндай құрылғыларға алдағы көптеген жылдар бойы бағдарламалық жаңартулар шығаруды жоспарлап отыр.

Оқу мен жұмыс үшін жадтың ең төменгі көлемі қандай болуы керек?

16 ГБ жедел жады және 256 ГБ ішкі жады – оқу, жұмыс және күнделікті пайдалануға арналған ноутбук үшін базалық конфигурация. Бұл көлем файлдарды сақтау мен негізгі қолданбаларды іске қосу үшін жеткілікті.

MacBook Air дизайн және видео үшін жеткілікті ме?

Air сериясындағы модельдер қарапайым дизайн жобаларын орындауға, күрделі емес бейнемонтажға және фотосуреттерді өңдеуге қолайлы. Ал ресурсты көп қажет ететін тапсырмалар үшін Pro сериясын таңдаған дұрыс.

MacBook қанша жыл қызмет етеді?

Құрылғы Apple компаниясы оған жаңартулар шығарып отырған кезеңде өзектілігін сақтайды – әдетте 5-7 жыл. Алайда одан кейін де ноутбук жұмыс істей береді: аппараттық бөлігі ұзақ жылдар бойы тұрақты қызмет етуге қабілетті.

Базалық модельді алуға бола ма, әлде кеңейтілген конфигурация қажет пе?

Қажетті техникалық сипаттамалары бар модельді сатып алу кезінде бірден таңдау маңызды, себебі уақыт өте келе жедел жад көлемін өзгерту мүмкін емес. Ал ішкі жады жеткіліксіз болған жағдайда iCloud қызметін пайдалануға болады.

Саяхат пен қашықтан жұмыс үшін қай MacBook ыңғайлы?

Өндіруші Air сериясындағы модельдерді саяхат пен қашықтан жұмысқа ең қолайлы нұсқа ретінде ұсынады. Қалыңдығы шамамен 1 см болатын ықшам корпус және ең үлкен диагональда да 1,5 кг-ға дейінгі салмақ іссапарға немесе демалысқа құрылғыны үнемі алып жүретін пайдаланушылар үшін ыңғайлы. Ал тапсырмалар күрделі әрі ресурсты көп қажет етсе, 14 дюймдік экраны бар Pro нұсқасына назар аударған жөн – ол да жинақы әрі өнімді.

Сондай-ақ оқыңыз

2026 жылы iMac-тың керегі неде: үстел үсті компьютерінің артықшылықтары.

MacBook Air M4: сатып алуға лайық па?

2026 жылы не үшін MacBook Air алу керек десеңіз — оның 7 басты артықшылығымен таныс болыңыз

MacBook – бизнеске арналған ең дұрыс таңдау екені рас па? Оның артықшылықтары мен тиімді жақтары

iSpace Apple Premium Partner дүкендеріндегі trade-in