iPhone-ды тікелей Mac-тан басқарыңыз. MacOS Sequoia жаңа керемет опцияларына шолу

Қыркүйек айында Mac үшін Apple жаңа операциялық жүйе шығарды – macOS 15 Sequoia. Жаңа мүмкіндіктер жүйемен өзара әрекеттесуді бұрынғыдан да ыңғайлы етті. Смартфонды басқарып, компьютерден хабарламаларға жауап беріңіз, жазбалардағы математикалық есептерді шешіңіз, терезелерді басқарыңыз – macOS Sequoia-ның керемет опциялары мұнымен бітпейді. Біз сізге ОЖ-нің ең үздік мүмкіндіктерінен топтама әзірледік. 

iPhone-ды тікелей Mac-тан басқарыңыз

IPhone Mirroring (“iPhone бейнеқайталауы”) функциясының арқасында смартфонды басқаруға және оның мазмұнын компьютерде көруге болады.

Функция жұмыс істеуі үшін смартфон мен компьютерде бір Apple ID есептік жазбасына кіру керек. Wi-Fi мен Bluetooth қосулы, ал құрылғылар жақын жерде болуы тиіс.

Mac жүйесінде “iPhone бейнеқайталауы” қолданбасына өтіп, құрылғының құпия кодын енгізіңіз, “Әрқашан сұрау” немесе “Автоматты түрде кіру” тармағын таңдаңыз.

Негізгі экранда қолданбалар мен виджеттердің орналасуын өзгерткіңіз келсе, кез келген белгішені түртіп, “Үйге” экранын өзгерту” тармағын таңдаңыз.

Бұл опцияның көмегімен не істей аласыз: 

• банк шотын тексеру; 
• пернетақтада мәтіндер теру; 
• ойын ойнау; 
• ДК-ден iPhonе-ға арналған кез келген қолданбаларды қосу. 

Видеоны қайталау арқылы екі құрылғыға да мессенджерлер мен басқа қолданбаларды орнатудың қажеті жоқ, олардың смартфонда болуы жеткілікті. Пернетақта, тінтуір, трекпад қолданылады – демек, беттерді айналдырып жіберуге, парақтауға болады. Опцияның іске асырылуы да қызықты: іске қосылғаннан кейін Mac экранында шынайы өлшемдегі iPhone пайда болады. Сіз оны экранға тура “жапсырып қойғандай” боласыз.

Биыл әзірлеушілер тағы бір үздік опцияны — құжаттар мен медианы iPhone-нан Mac-қа тартып көшіру мүмкіндігін қосуға уәде беруде. 

MacBook-қа хабарламалар алыңыз 

Бейнеқайталау опцияларының бірі. Mac-қа смартфоннан хабарламалар автоматты түрде келеді, егер функция қосулы болса, сіз оларға жауап бере аласыз. Осылайша сіз компьютерде ұзақ уақыт жұмыс істегенде және телефон басқа бөлмеде болған кезде маңызды хабарламаларды жіберіп алмайсыз.

Хабарламалар жіберетін нақты қолданбаларды өзіңіз таңдайсыз: мессенджерлер, ойындар, банк қызметтері. Телефондағы “Теңшеулер”, содан кейін “Қолданбалар” бөліміне өтіп, қолданбаны таңдаңыз да, “Хабарландырулар” жолын басып, жүгірткіні сүйреп апару арқылы “Mac-та көрсету” опциясын іске қосыңыз. 

Терезелерді өз ыңғайыңызға қарай орналастырыңыз 

Жұмыс кеңістігін ұйымдастыру енді бұрынғыдан да оңайырақ болады. Сіз бір уақытта 2, 3 немесе 4 қолданбаны ашып, оларды кез келген тәсілмен экранға орналастыра аласыз. 

Терезелер қалай басқарылады: 

• Монитордың шетіне (оңға, солға немесе жоғарғы жағына) тартып апарып, жібере салыңыз — macOS терезені экранның тиісті аймағында кеңейтуді ұсынады.
• Option пернесін бір уақытта басып тұрып, экранның бұрышына немесе шетіне сүйреңіз. Терезе жұмыс үстелінің тиісті бөлігін алады.
• Терезенің жоғарғы сол жағында жасыл түсті “Барынша үлкейту” батырмасын тауып, меңзерді үстіне апарыңыз. Ашылған тізімнен дайын конфигурациялардың бірін таңдаңыз. mac OS Sequoia қолданбаларды қалай пайдаланатыныңызды талдайды және оларды қалай дұрысырақ құрастыру керектігін айтады. 

Сондай-ақ, терезе-тақталарды экранның жоғарғы жағындағы “Терезе” мәзірі арқылы басқаруға, яғни өлшемі мен орнын өзгертуге, ортаға қоюға немесе бүкіл экранды толтыруға болады. 

Пернелердің үйлесімдері де терезелерді қозғалтуға мүмкіндік береді. Оны бүкіл жұмыс кеңістігіне жаю үшін, Fn + Control + F үйлесімін, ал экранның кез келген жағына ығыстыру үшін — Fn + Control + оңға/солға меңзері үйлесімін басыңыз. Көбірек «жедел пернені»  Apple сайтында таба аласыз. 

Егер терезелер арасындағы бос орындарды алып тастағыңыз келсе, «Жүйе теңшеулері» > «Жұмыс үстелі және Dock» бөліміне кіріп, «Терезе-тақталарды жиектерімен бірге көрсету» опциясын сөндіріп қойыңыз. 

Барлық құпиясөздерді бір жерде сақтаңыз 

“Кілттер байламы” функциясы бұрын да болған, бірақ теңшеулерде жасырылған. Енді “Құпиясөздер” қолданбасының арқасында бәрі оңайырақ. Мұнда сіздің барлық кіру кілттеріңіз, логиндеріңіз, құпиясөздеріңіз, тексеру кодтарыңыз сақталады. Олардың кез келгенін бірнеше рет шерту арқылы көшіріп алуға болады, әсіресе қолданбаны жылдам шақыру үшін мәзірге белгіше орнатып қойсаңыз. Осылайша сіз досыңызға Wi-Fi-ға және басқа да мүмкіндіктерге тез қол жеткізуге рұқсат бере аласыз. 

Деректер синхрондалады және сіздің Apple ID-мен барлық құрылғыларда — Mac, iPhone, iPad, Apple vision Pro-мен қолжетімді. Тіпті Windows құрылғыларында да. Оларды AirDrop арқылы бөлісуге болады. Автотолтыруды пайдаланған кезде құпиясөздер мен кодтар нысандарға автоматты түрде енгізіледі.

Mac OS жаңартылғаннан кейін функция әдепкі бойынша белсенді болуы керек. Қайта тексеру үшін iCloud есептік жазбаңызға кіріп, теңшеулерден “Құпия сөздерді” табыңыз. 

Жазбаларды бояумен әрлеп, дауыстап жазыңыз

Жаңартылған «Жазбаларда» жасауға болады: 

• “Абзац стильдері” параметрі арқылы тақырыптары мен тақырыпшалары бар бөлімдерді кішірейту/кеңейту. Үлкен жазбаларды осылай қараған ыңғайлы. 
• Тезірек табу үшін сөздерді түрлі түстермен бөліп көрсету—«Қаріп» > «Бөліп көрсету»-ді таңдаңыз. 
• Аудио жазу, аудиожазбаларды жазбаларға тіркеу, дауысты мәтінге аудару (транскрипция әзірге тек ағылшын тілін қолдайды). 
• Есептер мен теңдеулерді шешу. Мысалыңызды жазып, «=» белгісін қойсаңыз, жауабы лезде көрсетіледі. 

Айтпақшы, калькулятор басқа бағдарламаларда да, мысалы, мессенджерлерде де қолжетімді. Теңдеуді жазып, «=» белгісін қоясыз — жауабыңыз дайын. 

Safari-де жарнамадан құтылып, видеоны фон ретінде қараңыз 

Браузерге де бірнеше опция қосылды:  Distraction Control. Мезі қылатын қалқымалы хабарламаларды, жарнамалық баннерлерді жояды. Веб-сайтты ашып, оң жақтағы мекенжай жолағындағы десте белгішесін түртіңіз. “Алаңдататын нысандарды жасыру…” тармағын таңдаңыз. Содан кейін қалқымалы хабарламаны бөліп көрсетіңіз, ол бірден жойылады.

• Video Viewer. Видеоконтентті “суреттегі сурет” режимінде көруге болады, оны AirPlay көмегімен теледидарға шығаруға болады. Басқа сайтқа ауысқанда немесе бетті парақтағанда, ойнату үзілмейді.
• Safari Highlights. Маңызды деректерді – жол карталарын, брондау батырмаларын және т. б. бөліп көрсетеді. 

Оқу режимінде қаріптер мен дизайн түстерін таңдауға, мақаланы оқымас бұрын оның тақырыбы мен түйіндемесін қарауға болады (егер ол ағылшын тілінде болса).

Хабарламаларға әсер қосыңыз 

Жаңа эмодзилер, стикерлер, анимациялар пайда болды — енді қарапайым мәтінді түрлі сезім реңктерімен жеткізуге болады. Ал хабарламаға Tapbacks эмодзилерін жіберу арқылы енді бірден жауап беруге мүмкіндік бар. 

Өте пайдалы macOS Sequoia опциясы – кейінге қалдырылған хабарламалар. Егер сіздің досыңыздың туған күні ертең болса, құттықтауды алдын-ала жіберіңіз, ол дәл керек сәтте жеткізіледі. Жөнелтуді 2 аптаға дейін бұрын жоспарлауға болады. 

macOS Sequoia-да тағы қандай жаңалықтар бар 

Әзірлеушілер әртүрлі қолданбаларға керемет опциялар қосты. Жаңарту мынадай мүмкіндіктер береді: 

• “Күнтізбеде” ескертпелер жасау, оларды қарау, өңдеу.
• Siri сұрақтарына ыммен жауап беру.
• “Фото” қолданбасындағы суреттер мен видеоларды адамдардың топтары мен күндер бойынша, үй жануарларымен қарау. Жинақтар автоматты түрде санат бойынша жиналады.
• “Карталарда” жаяу жүру маршруттарын салу. Қолданбада соқпақ жолдар, көрікті жерлер бар. Сіз маршруттарды сақтап қойып, оларды офлайн режимінде аша аласыз.
• FaceTime және басқа қолданбалардағы бейнеқоңыраулар мен конференциялар үшін фонды таңдау. Ол статикалық немесе динамикалық болуы мүмкін.
• Валюталар мен өлшем бірліктерін “Калькуляторда” айырбастау, есептеулерді 4 режимде жүргізу. Стандартты (қарапайым әрекеттер), ғылыми (түбір, дәреже және басқа да күрделі операциялар), бағдарламашы үшін (екілік кодпен жұмыс істейді), математикалық жазбалар (теңдеулерді тікелей “Жазбаларда” лезде шешу). 

Ал Apple Intelligence ше? Жасанды интеллект мүмкіндіктері Apple М сериялы чиптері бар құрылғыларда, бірақ сәл кейінірек – осы күзде macOS 15.1 Sequoia шыққан кезде қолжетімді болады. 

macOS Sequoia-ны компьютерге қалай орнатуға болады 

Жаңарту алдында Time Machine немесе басқа көшіру әдістерін қолдана отырып, барлық маңызды деректердің сақтық көшірмесін жасау ұсынылады.

Apple мәзірін ашып, “Жүйе теңшеулері” батырмасын басыңыз. Бүйірлік тақтада терезе ашылады — алдымен “Негізгі”, содан кейін “БЖ-ны жаңарту” тармағын таңдаңыз.

MacOS-тың алғашқы нұсқаларында жол келесідей болуы мүмкін: “Жүйе параметрлері” > “БЖ-ны жаңарту”.

Егер сіз өз компьютеріңізде “БЖ-ны жаңарту” бөлімін таппасаңыз, App Store дүкенінен macOS Sequoia-ны жүктеп алыңыз.

Мұнда mac OS Sequoia үшін қолданылатын құрылғылардың толық тізімі берілген: 

Егер жаңартуды өзіңіз орната алмасаңыз, iSpace-ке келіңіз. Біз сізге MacOS Sequoia-ның Mac жүйесінде қалай жұмыс істейтінін көрсетіп, құрылғыңызды жаңартуға көмектесеміз. Сондай-ақ, дүкенімізде бірден сынап көруіңізге болатын Apple-дің жаңа техникасын сізге арнап таңдап береміз.