Apple 2026 тұсаукесері: конференция қорытындысы және басты жаңалықтар

9 қыркүйекте Apple дәстүрлі күзгі тұсаукесерін өткізіп, құрылғыларының жаңа буынын таныстырды. Ең басты жаңалық – сыртқы дисплейі 5,4 дюйм, ал ішкі экраны 7,6 дюйм болатын алғашқы жиналмалы iPhone Duo. Флагмандық iPhone 18 Pro және iPhone 18 Pro Max модельдері A20 Pro чипімен жұмыс істейді, механикалық диафрагмасы бар камерамен және жаңартылған салқындату жүйесімен жабдықталған.

Apple смарт-сағаттар топтамасын да жаңартты. Series 12 және Ultra 4 модельдері жаңа Health Sensing System жүйесімен жабдықталған. Сондай-ақ олар Readiness көрсеткішін есептеп, ағзаның қаншалықты қалпына келгенін және физикалық жүктемеге қаншалықты дайын екенін анықтауға көмектеседі. AirPods 5 сымсыз құлаққаптарының шуды басу мүмкіндігі де жақсарды – ол алдыңғы буынмен салыстырғанда 1,5 есе тиімді.

Apple 2026 тұсаукесері қалай өтті және компания нені таныстырды?

Күзгі тұсаукесер Surprise and Shine деп аталды. Бұл 1 қыркүйекте қызметіне кіріскен жаңа бас атқарушы директор Джон Тернус үшін алғашқы тұсаукесер болды. Apple шара барысында мыналарды таныстырды:

• флагмандық iPhone 18 Pro және iPhone 18 Pro Max;
• алғашқы жиналмалы iPhone Duo смартфоны;
• Apple Watch Series 12 және Apple Watch Ultra 4 смарт-сағаттары;
• AirPods 5 сымсыз құлаққаптары;
• жасанды интеллектке негізделген денсаулық пен дене белсенділігін бақылау мүмкіндіктері.

Тікелей эфир барысында құрылғылардың техникалық сипаттамалары таныстырылып, жаңартылған операциялық жүйелердің жұмысы көрсетілді. Бұл жүйелер алғаш рет жазда өткен WWDC 2026 шарасында таныстырылған еді. 14 қыркүйектен бастап операциялық жүйелердің ресми нұсқаларын құрылғыларға жүктеп, орнатуға болады.

Apple 9 қыркүйекте қандай құрылғыларды таныстырды?

Apple бірден бірнеше өнім желісін жаңартты. Жаңа құрылғылар технологиялық қауымдастықтар мен әлеуметтік желілерде қызу талқылана бастады.

Құрылғы түрі	Модель атауы	Негізгі өзгерістер
iPhone	iPhone 18 Pro	Дисплейі 6,3 дюйм 6 ядролы CPU және 7 ядролы GPU бар A20 Pro чипі Жақсартылған салқындату жүйесі Кішірейтілген Dynamic Island және бір мезгілде үш Live Activities көрсету мүмкіндігі Бейне ойнатқанда смартфон 36 сағатқа дейін жұмыс істейді Pro Fusion жүйесіне ажыратымдылығы 48 МП болатын үш камера кіреді, ал негізгі камера механикалық диафрагмамен жабдықталған – соның арқасында түсіру мүмкіндіктері кеңейген
	iPhone 18 Pro Max	Дисплейі 6,9 дюйм Негізгі сипаттамалары мен функциялары iPhone 18 Pro моделіндегідей Бейне ойнатқанда қуаттамай 45 сағатқа дейін жұмыс істейді
	iPhone Duo	Алғашқы жиналмалы iPhone Жиналған күйдегі дисплейі 5,4 дюйм Ашылған күйдегі дисплейі 7,6 дюйм A20 Pro чипімен, қос аккумулятормен және жаңа салқындату жүйесімен жабдықталған Face ID орнына құрылғының оң жақ қырында орналасқан Touch ID қолданылады Ішкі экраннан бейне көргенде 31 сағатқа дейін, ал сыртқы экраннан көргенде 44 сағатқа дейін қуаттамай жұмыс істейді
Apple Watch	Apple Watch Series 12	S11 чипімен және жаңа Health Sensing System сенсорымен жабдықталған Audio Intelligence айналадағы дыбыстарды анықтайды Readiness ағзаның физикалық жүктемеге қаншалықты дайын екенін бағалауға көмектеседі Жүрек соғысы әр бес секунд сайын өлшенеді, HRV талдауы жетілдірілген Алюминийден, титаннан және керамикадан жасалған корпус нұсқалары ұсынылады 24 сағатқа дейін үздіксіз жұмыс істейді
	Apple Watch Ultra 4	Series 12 моделіндегідей чип пен денсаулықты бақылауға арналған негізгі функциялар қолданылады Сонымен қатар қарқын, қадам жиілігі және жаттығу жүктемесі туралы кеңейтілген деректер көрсетіледі 50 сағатқа дейін жұмыс істейді
AirPods	AirPods 5	Негізгі нұсқасы ANC қосулы кезде 4 сағатқа дейін, ал қуаттау қорабымен бірге 20 сағатқа дейін жұмыс істейді Жетілдірілген нұсқасы тиісінше 5 және 22 сағатқа дейін жұмыс істейді әрі оның қуаттау қорабын сымсыз қуаттауға болады Жетілдірілген нұсқада ойнатуды құлаққаптың сабын саусақпен сырғыту арқылы басқаруға болады Екі нұсқада да шуды басу AirPods 4 ANC моделіне қарағанда 50%-ға дейін тиімдірек Siri AI қолдауы және әңгімелесушінің сөзін нақты уақытта аудару мүмкіндігі бар

Құрылғылардың түс таңдауы да кеңейді. iPhone 18 Pro және iPhone 18 Pro Max жаңа Burgundy және Glacier түстерінде ұсынылса, жиналмалы iPhone Duo Star White және Night Sky түстерінде шығарылды. Apple Watch Series 12 үшін Pearl White және Night Blue реңктеріндегі керамикалық корпус нұсқалары да қолжетімді.

Apple Intelligence және Apple экожүйесінің жаңа мүмкіндіктері

Apple 2026 тұсаукесері жасанды интеллектке арналған бөлімнен басталды. Басты жаңартулардың бірі – пайдаланушыға қатысты деректерді ескеріп, экранда не болып жатқанын түсіне алатын Siri AI. Мысалы, электрондық поштаңызға концерт билеті келсе, Siri AI оны танып, концертті күнтізбеге қосуды ұсына алады. Алғашқы кезеңде жасанды интеллект функциялары ағылшын тілінде қолжетімді болады. Қолдау көрсетілетін тілдер тізімін кеңейту жоспарланғанымен, қазақ тілі әзірге олардың қатарына енгізілмеген.

AirPods арқылы Siri AI-мен қол тигізбей-ақ, тек бас қимылдары арқылы әрекеттесуге болады. Құлаққаптарда былтырдан таныс Live Translation мүмкіндігі де сақталған. Қажетті тілдерді баптағаннан кейін AirPods әңгімелесушінің сөзін бірден аударып, аудармасын тыңдауға мүмкіндік береді.

«Денсаулық» қолданбасы толығымен жаңартылады, бірақ операциялық жүйелерден сәл кейінірек қолжетімді болады. Жасанды интеллект денсаулыққа қатысты барлық көрсеткіштерді талдап, оларды бір жүйеге біріктіреді – соның арқасында денсаулық жағдайын бақылау оңайырақ болады. Бірнеше жаңа бөлім пайда болады:

• Insights – ұйқы режимі, жүрек қызметі, дене белсенділігі және физикалық жүктемеге дайындық туралы деректерді көруге арналған;
• For You – мысалы, тамақтану немесе ұйқыға қатысты жеке ұсыныстар алуға арналған;
• Longevity – көрсеткіштердің ұзақ уақыт ішінде қалай өзгеретінін бақылауға арналған;
• Health Age – физиологиялық көрсеткіштерді хронологиялық жаспен салыстыруға арналған (өзекті ғылыми зерттеулер негізінде).

Смарт-сағаттарда Audio Intelligence атты жаңа мүмкіндік бар. Оның көмегімен құрылғы айналадағы дыбыстарды танып, қауіп төнген жағдайда хабарландыру арқылы ескертеді. Бұл есту қабілеті бұзылған адамдар үшін әсіресе пайдалы. Сондай-ақ құлаққап тағып жүргенде дабыл дыбысын немесе есік қоңырауын естімей қалсаңыз, бұл мүмкіндік пайдалы болады. Live Rewind сөйлесудің соңғы 15 секундындағы сөздерді мәтін түрінде экранға шығарады, сондықтан естімей қалған тұстарды оқып алуға болады. Ал Siri Recap әңгіменің қысқаша мазмұнын жасап, оны жазбаларға сақтайды. Мысалы, бұл мүмкіндікті іскерлік кездесу кезінде қоссаңыз, маңызды жайттарды жіберіп аламын деп алаңдамайсыз.

Apple жаңа құрылғылары қашан сатылымға шығады?

iPhone 18 Pro 25 қыркүйектен бастап сатылымға шығады. Қалған жаңа өнімдердің нақты сатылымға шығатын күндері ispace.kz сайтында жарияланған. Алайда Apple тұсаукесер барысында нақтылағандай, iPhone Duo басқа құрылғылардан кейінірек шығады. Алдын ала тапсырыс пен сатылымның қашан басталатынын білу үшін iSpace жаңалықтарын сайттан және әлеуметтік желілерден қадағалаңыз.

Жаңа өнімдерді Apple Premium Partner мәртебесіне ие iSpace дүкенінен сатып ала аласыз. Біз тек Apple-дің түпнұсқа құрылғыларын ұсынамыз. Оларға кепілдік беріледі, сондай-ақ уәкілетті сервистік орталықта қызмет көрсетіледі. Сатып алу кезінде бөліп төлеу, несие және Trade In мүмкіндіктерін пайдалануға болады.

Құрылғыға онлайн тапсырыс беріп, Қазақстан бойынша жеткізуді рәсімдеуге немесе тапсырысты iSpace дүкенінен өзіңіз алып кетуге болады. iSpace дүкендері Алматы, Астана, Қарағанды және басқа қалаларда жұмыс істейді. Құрылғы таңдауға немесе сатып алғаннан кейін оны баптауға көмек қажет болса, iSpace мамандары қуана көмектеседі.

Apple тұсаукесерінің iSpace-пен бірге қалай өткенін қысқа видеодан көріңіз. Ал алдағы уақытта осындай шараларды жіберіп алмау үшін iSpace Community қауымдастығына қосылыңыз.

FAQ

Apple қыркүйекте қандай құрылғыларды таныстырды?

2026 жылғы 9 қыркүйекте Apple iPhone 18 Pro, iPhone 18 Pro Max, жиналмалы iPhone Duo, Apple Watch Series 12, Apple Watch Ultra 4 және AirPods 5 құрылғыларын таныстырды. Жаңартулар өнімділікке, автономды жұмыс уақытына, контент әзірлеу мүмкіндіктеріне және денсаулықты бақылау функцияларына қатысты болды.

Apple-дің жыл сайынғы тұсаукесері қашан өтті?

Apple-дің 2026 жылғы ауқымды тұсаукесері 9 қыркүйекте өтті. Шара Apple Park-тен онлайн көрсетіліп, оны миллиондаған көрермен тамашалады.

Apple-дің жаңа модельдерін қашан сатып алуға болады?

Нақты күндер iSpace сайтында жарияланған. Қазақстанда алдын ала тапсырыс пен сатылымның қашан басталатыны туралы ақпарат iSpace сайтында және әлеуметтік желілерінде жарияланады.

Apple конференциясы қалай өтті?

Apple 2026 конференциясында смартфондар, сағаттар және құлаққаптар желісі жаңартылып, мүлде жаңа құрылғылар қатарында жиналмалы iPhone Duo таныстырылды. Бұл жолы денсаулықты бақылау функциялары мен жасанды интеллект негізгі бағыттардың қатарында болды.

Сондай-ақ оқыңыз

Фишки экосистемы Apple для учебы: 12 полезных скрытых функций для студентов и школьников

10 полезных команд Siri: что сказать iPhone, чтобы экономить время

Функции Apple для безопасности детей: как настроить iPhone ребёнка и обновить технику к школе