Жаңа буындағы MacBook Pro ноутбуктері PROLED XDR OLED дисплейімен жабдықталған және Multi-Touch технологиясын қолдайды. Олардың бұрынғы MacBook Pro үлгілерінен басты айырмашылығы – осы. Ноутбуктер M5 Pro және M5 Max чиптерімен жабдықталған екі нұсқада ұсынылады.
Сенсорлық экран цифрлық мазмұнмен жұмыс істеудің жаңа мүмкіндіктерін ашады. Енді экранға тікелей сурет салуға, нысандарды жылжытуға, фотосуреттерді саусақпен үлкейтуге және басқа да үйреншікті қимылдарды орындауға болады. macOS 27 жүйесі сенсорлық басқаруға бейімделген. Бұл жаңалық әсіресе дизайнерлерге, фотографтарға, бейнемонтаж мамандарына және есептеу қуатын көп қажет ететін қолданбалармен үнемі жұмыс істейтіндерге пайдалы.
Сенсорлық экраны бар MacBook Pro дегеніміз не?
Сенсорлық экраны бар MacBook Pro – Apple компаниясының кәсіби ноутбуктерінің жаңартылған топтамасы. Бұл құрылғыларды алғаш рет трекпад, тінтуір және пернетақтамен қатар экранды түрту арқылы да басқаруға болады. Ноутбуктер 14,2 немесе 16,3 дюймдік экранмен және Apple M5 Pro немесе M5 Max чипімен жабдықталған нұсқаларда ұсынылады.
OLED дисплейі: не өзгерді?
Ноутбук PROLED XDR дисплейімен жабдықталған. Негізгі өзгеріс – tandem OLED технологиясына көшу. Әр пиксель басқа пиксельдерден тәуелсіз жарық шығарады. Соның арқасында қара түс бұрынғыдан да қанық болып, контраст арақатынасы 10 000 000:1-ге жетті (алдыңғы буын ноутбуктерінде бұл көрсеткіш 1 000 000:1 болған).
SDR және HDR мазмұнын көрсеткенде экранның ең жоғары жарықтығы 2000 нитке жетеді. Соның арқасында кескіннің жарық тұстары айқынырақ көрінеді, ал мәтін жарық жерде де оңай оқылады. Бұл ашық ауада немесе жарық кеңседе жұмыс істегенде әсіресе ыңғайлы. Сондай-ақ жарықтың шағылысуын және экранның жарқылын барынша азайтатын наноқұрылымды әйнегі бар нұсқаны таңдауға болады.
MacBook Pro ноутбугінің OLED дисплейі жаңарту жиілігін 120 Гц-ке дейін автоматты түрде реттейтін ProMotion технологиясын қолдайды. Экрандағы кескіндер бірқалыпты көрсетіледі, ал жаңарту жиілігі мазмұнға қарай өзгеріп, батарея қуатын үнемдеуге көмектеседі.

Сенсорлық басқару қалай жұмыс істейді?
Сенсорлық экраны бар MacBook Pro ноутбугін планшеттегідей саусақ қимылдарымен басқаруға болады. Экранды түрткенде ноутбук шайқалмауы үшін Apple оның топсаларын күшейтті. Сенсорлық басқару трекпад пен пернетақтаның мүмкіндіктерін толықтырады, сондықтан ноутбукті өзіңізге ыңғайлы тәсілмен басқара аласыз.
macOS 27 жүйесі мынадай сенсорлық қимылдарды қолдайды:
- құжаттар мен веб-беттерді бір саусақпен жоғары немесе төмен жылжыту;
- экранды екі рет түрту арқылы толық экран режиміне өту;
- нысандар мен слайдтарды саусақпен сүйреп жылжыту;
- екі саусақты бір-біріне жақындату немесе алшақтату арқылы кескінді кішірейту немесе үлкейту;
- саусақты жылдам сырғыту арқылы терезені экранның қажетті бөлігіне орналастыру.
Дизайнерлер кескіндерді тікелей экранда өңдей алады, iOS және iPadOS қолданбаларын әзірлеушілер сенсорлық қимылдарды ноутбуктің өзінде сынай алады, ал бейнемонтаж мамандары бейнежазбаның жекелеген бөліктерін белгілеп, бейнеүзінділерді жылжыта алады.
Apple ноутбуктеріндегі тағы бір жаңалық – Siri AI, Live Activities және Spotlight мүмкіндіктеріне жылдам қол жеткізуге арналған Dynamic Island интерактивті аймағы. Оның көмегімен дауыстық көмекшіні пайдалануға, қажетті ақпаратты алуға және жаңартуларды нақты уақыт режимінде бақылауға болады.

M5 Pro немесе M5 Max: қай чипті таңдаған дұрыс?
Сенсорлық экраны бар ноутбуктер екі нұсқада ұсынылады. Олардың басты айырмашылығы – чиптері, өнімділігі мен жад сипаттамалары. Егер негізінен фотосуреттерді өңдеумен, бағдарламалаумен немесе бейнемонтажбен айналыссаңыз, MacBook Pro M5 Pro қолайлы. Ол 15 немесе 18 ядролы CPU және 16 немесе 20 ядролы GPU-мен жабдықталған. Оның өнімділігі кәсіби қолданбалармен жұмыс істеуге жеткілікті.
MacBook Pro M5 Max бұдан да күрделі тапсырмаларды орындай алады, себебі оның чипінде 18 CPU ядросы және 32 немесе 40 GPU ядросы бар. Графиканы өңдеу кезіндегі жоғары өнімділігі әсіресе 8K бейнежазбаларды өңдеу, визуалды әсерлерді рендерлеу, 3D анимациялар жасау және үлкен тілдік модельдерді (LLM) тікелей ноутбукте іске қосу кезінде байқалады.
Жедел жад көлемі де әртүрлі. M5 Pro чипімен жабдықталған нұсқаларда 24-64 ГБ, ал M5 Max чипі бар нұсқаларда 36-128 ГБ жедел жад қарастырылған. Жадтың ең жоғары өткізу қабілеті тиісінше 307 және 614 ГБ/с құрайды.

Дизайны мен корпусы
MacBook Pro сыртқы келбетін сақтағанымен, оның құрылымы айтарлықтай өзгерді. Жаңа салқындату жүйесі мен tandem OLED технологиясының арқасында корпусы жұқарып, салмағы азайды. Қалыңдығы 0,5-1 мм-ге қысқарды. M5 Pro чипімен жабдықталған 14 дюймдік үлгінің салмағы 1,38 кг, ал 16 дюймдік үлгінің салмағы 1,82 кг құрайды.
Алюминийден жасалған корпус Silver және Space Black түстерінде ұсынылады. Қақпағында Apple компаниясының жарықтандырылған логотипі қайта пайда болды: мұндай логотип компанияның ноутбуктерінде шамамен 10 жыл бойы қолданылмаған еді. Ноутбукте HDMI порты, SDXC жад картасына арналған ұя, үш Thunderbolt 5 порты және батареяны зарядтауға арналған MagSafe 3 қосқышы бар.
Сенсорлық экраны бар және стандартты MacBook Pro: айырмашылықтары қандай?
Apple бір мезгілде екі жаңа ноутбукті – сенсорлық экраны бар MacBook Pro мен MacBook Pro M6 үлгісін таныстырды. Осы құрылғылардың бірін таңдауды жоспарласаңыз, олардың негізгі айырмашылықтарына назар аударған жөн.
| Сипаттамасы | Сенсорлық экраны бар MacBook Pro | MacBook Pro M6 |
|---|---|---|
| Чипі | M5 Pro немесе M5 Max | M6 |
| Экран диагоналі | 14,2 немесе 16,3 дюйм | 14,2 дюйм |
| Дисплей түрі | PROLED XDR | Liquid Retina XDR |
| Сенсорлық басқару | Multi-Touch | Қолдамайды |
| Жарықтығы | 2000 нитке дейін (SDR және HDR) | 1600 нитке дейін (HDR) |
| Контраст арақатынасы | 10 000 000:1 | 1 000 000:1 |
| Батареямен жұмыс істеу уақыты | 22 немесе 24 сағатқа дейін (M5 Pro); 20 немесе 22 сағатқа дейін (M5 Max) | 24 сағатқа дейін |
| Корпус қалыңдығы | 1,5 немесе 1,6 см | 1,5 см |
| Құрылғының салмағы | 1,38 немесе 1,82 кг (M5 Pro); 1,4 немесе 1,84 кг (M5 Max) | 1,55 кг |
Егер бейнежазбалармен және графикамен жиі жұмыс істесеңіз әрі ноутбукті экранды түрту және саусақ қимылдары арқылы басқарғыңыз келсе, сенсорлық экраны бар үлгіні таңдаған жөн. Ал трекпад пен пернетақтаны пайдалануға үйренген болсаңыз және ноутбук негізінен бағдарламалау мен құжаттармен жұмыс істеу үшін қажет болса, MacBook Pro M6 үлгісіне назар аударыңыз.
Кімдерге қолайлы?
Сенсорлық экраны бар MacBook Pro иллюстраторлар мен дизайнерлерге ыңғайлы, өйткені кескіндерді тікелей экранда өңдеуге болады. Фотографтар OLED дисплейінің түстерді дәл жеткізуін және фотосуреттің қажетті бөліктерін экранды түрту арқылы оңай үлкейтіп, кішірейту мүмкіндігін бағалайды. Ал әзірлеушілерге macOS 27 жүйесінде сенсорлық интерфейстерді сынау мүмкіндігі пайдалы болады.
Сенсорлық экраны бар MacBook Pro ноутбугін қайдан сатып алуға болады?
Қазақстандағы Apple Premium Partner мәртебесіне ие iSpace дүкендерінен сенсорлық экраны бар MacBook Pro ноутбугін өндірушінің ресми кепілдігімен сатып ала аласыз. Сұрақтарыңыз болса, мамандарымызға телефон арқылы немесе сайттағы чатта хабарласа аласыз, сондай-ақ дүкендерімізге келіп, кеңес ала аласыз.
Қолжетімді конфигурациялар мен тауардың бар-жоғын тауар беттерінен тексеріңіз. Тапсырысты онлайн рәсімдеп, Қазақстан бойынша курьерлік жеткізу қызметін пайдалана аласыз. Ал Apple құрылғыларымен жақынырақ танысқыңыз келсе, Астанадағы және еліміздің басқа қалаларындағы дүкендерімізге келіңіз. Trade In бағдарламасы, бөліп төлеу және несиеге сатып алу мүмкіндіктері қарастырылған. Арнайы ұсыныстар мен жаңа өнімдер туралы ақпарат алып отыру үшін iSpace Community қауымдастығына қосылыңыз.
FAQ
MacBook ноутбугінің сенсорлық экраны бар ма?
Иә, 2026 жылғы 28 қазанда Apple сенсорлық экраны бар алғашқы кәсіби ноутбугін таныстырды. Сонымен қатар пернетақта, тінтуір және трекпад арқылы басқарудың үйреншікті тәсілдері де сақталған.
Сенсорлық экраны бар MacBook Pro стандартты үлгіден несімен ерекшеленеді?
Ең басты жаңалық – Multi-Touch технологиясын қолдайтын PROLED XDR дисплейі. Енді ноутбукті трекпад пен пернетақта арқылы ғана емес, экранды түрту және саусақ қимылдары арқылы да басқаруға болады.
Қай чипті таңдаған дұрыс: M5 Pro әлде M5 Max?
Таңдау орындайтын тапсырмаларыңызға байланысты. Бағдарламалау және бейнемонтаж үшін M5 Pro чипі бар MacBook Pro қолайлы. Ал M5 Max чипімен жабдықталған нұсқа үлкен көлемдегі деректерді өңдеуге және күрделі графикалық тапсырмаларды орындауға көбірек жарайды.
Сенсорлық экран үшін қосымша ақы төлеуге тұра ма?
Сенсорлық басқаруды үнемі пайдалануды жоспарласаңыз, қосымша ақы төлеуге тұрады. Бұл мүмкіндік әсіресе иллюстраторлар, дизайнерлер және фотографтар үшін пайдалы.
Сондай-ақ оқыңыз
Әрқашан хабардар болыңыз!
Жаңалықтарға жазылыңыз және дүкеннің жаңа акциялары мен арнайы ұсыныстары туралы бірінші болып біліңіз!


